აღმოსავლეთ ევროპის უნივერსიტეტსა და საქართველოს ადვოკატთა ასოციაციას შორის ურთიერთთანამშრომლობის მემორანდუმი გაფორმდა. მემორანდუმის მიზანია ერთობლივი პროექტების განხორციელება, რაც EEU-ს სტუდენტების პროფესიულ განვითარებასა და ასოციაციის წარმატებულ საქმიანობას შეუწყობს ხელს.
შეხვედრაზე იურიდიული ფაკულტეტის სტუდენტებისთვის ადვოკატთა პროფესიული ეთიკის კლინიკის პრეზენტაცია გაიმართა. EEU-ს სტუდენტები კლინიკის მოდულსა და სტაჟირებას საქართველოს ადვოკატთა ასოციაციაში გაივლიან.
ადვოკატთა ასოციაციის თავმჯდომარემ, ზაზა ხატიაშვილმა, სტუდენტებს ასოციაციის მოკლე ისტორია და საქმიანობა გააცნო. საქართველოს ადვოკატთა ასოციაციის ეთიკის კომისიის უფროსმა იურისტმა, თამარ ხუბულურმა, ადვოკატთა პროფესიული ეთიკის კლინიკის პრეზენტაცია ჩაატარა. შეხვედრა კითხვა პასუხის რეჟიმში მიმდინარეობდა.
ურთიერთთანამშრომლობის მემორანდუმს ხელი აღმოსავლეთ ევროპის უნივერსიტეტის რექტორმა, დავით ჩერქეზიშვილმა და საქართველოს ადვოკატთა ასოციაციის თავჯდომარემ ზაზა ხატიაშვილმა მოაწერეს.
მემორანდუმის ხელმოწერას აღმოსავლეთ ევროპის უნივერსიტეტის იურიდიული ფაკულტეტის დეკანი, პროფესორი ზვიად როგავა, უნივერსიტეტის სტუდენტები და აკადემიური პერსონალის წარმომადგენლები ესწრებოდნენ.