⚖ ქართული, გერმანული და საერთაშორისო სისხლის სამართლის ინსტიტუტის ორგანიზებით სისხლის სამართალში იმიტირებული პროცესების ეროვნული შეჯიბრი ჩატარდა. მასში საქართველოს ყველა წამყვანი უნივერსიტეტის გუნდი მონაწილეობდა.
სისხლის სამართალში იმიტირებული პროცესების ეროვნული შეჯიბრის ფინალურ ეტაპზე აღმოსავლეთ ევროპის უნივერსიტეტისა და თავისუფალი უნივერსიტეტის გუნდები შეხვდნენ ერთმანეთს. I ადგილის მფლობელი EEU-ს გუნდი გახდა, II ადგილი კი თავისუფალი უნივერსიტეტის გუნდს ეგრო.
პირველ ადგილზე გასული EEU-ს გუნდი ფულადი პრიზით – 500 ლარით დაჯილდოვდა!
აღმოსავლეთ ევროპის უნივერსიტეტი იურიდიული ფაკულტეტის მაგისტრებს, მამუკა მახარაძეს, თორნიკე გოგეშვილს, გრიგოლ კიკაბიძეს, გიორგი ზუბიაშვილს, მარიამ ბეგაშვილსა და ნინი კერატიშვილს, ულოცავს მიღწეულ გამარჯვებას და წარმატებებს უსურვებს!