დღეს, საქართველოს უზენაეს სასამართლოში საქართველოს ახალგაზრდა იურისტთა ასოციაციის ორგანიზებით “ოჯახში ძალადობის თემაზე” იმიტირებული სასამართლო პროცესის ტურნირის ფინალური ეტაპი გაიმართა. ტურნირში მონაწილეობდნენ საქართველოს ავტორიზებული უნივერსიტეტების იურიდიული ფაკულტეტის სტუდენტები.
აღმოსავლეთ ევროპის უნივერსიტეტის გუნდი მამუკა მახარაძის და გრიგოლ კიკაბიძის შემადგენლობით ფინალურ ეტაპზე გავიდა, სადაც ივანე ჯავახიშვილის სახელობის თბილისის სახელმწიფო უნივერსიტეტის გუნდს შეხვდა.
EEU-ს სამართლის ფაკულტეტის მაგისტრები დაცვის მხარეს წარმოადგენდნენ. ჟიურის გადაწყვეტილებით ნომინაციაში “საუკეთესო მომხსენებელი” EEU-ს გუნდი დასახელდა და სერტიფიკატებთან ერთად EEU-ს სტუდენტ მამუკა მახარაძეს საჩუქრად წიგნები და “საიას” ექვსთვიანი სასწავლო კურსის სრული დაფინანსება გადაეცა.
აღმოსავლეთ ევროპის უნივერსიტეტი ულოცავს სტუდენტებს მიღწეულ წარმატებას!