👏EEU-ს გუნდი საქართველოს პარლამენტში გამართულ სტუდენტური გუნდების კონკურსის ფინალში გადავიდა!
დღეს საქართველოს პარლამენტში, ფონდი „ღია საზოგადოება საქართველოს“ პროექტის ფარგლებში, ორგანიზაცია „მუხლი პირველის“ მიერ სხვადასხვა უმაღლესი სასწავლებლის სტუდენტურ გუნდებს შორის მოეწყო კონკურსი თემაზე: „იმიტირებული საპარლამენტო კომიტეტის სხდომები“.
ჟიურის შემადგენლობას პარლამენტის წევრები: დავით მათიკაშვილი, გუგული მაღრაძე, ანრი ოხანაშვილი და კობა ნარჩემაშვილი წარმოადგენდნენ.
სტუდენტურმა ჯგუფებმა “შეკრებებისა და მანიფესტაციების შესახებ” საქართველოს კანონში შესატანი ცვლილებებისა და დამატებების შესახებ მათ მიერ შემუშავებული კანონპროექტები, საქართველოს პარლამენტის რეგლამენტის შესაბამისად, საკომიტეტო მოსმენისთვის განსაზღვრული წესით წარადგინეს.
აღმოსავლეთ ევროპის უნივერსიტეტი EEU-ს გუნდს – გიორგი ტარიელაშვილს, ანი ჭოლოკავას, გიორგი ჩუგუაშვილს, ჯუნა სტეფნაძესა და მათ მწვრთნელს, ანა ნაკაშიძეს, ულოცავს ფინალურ ეტაპზე გადასვლას და წარმატებას უსურვებს!