EEU-ს პარტნიორი “დასაქმების სააგენტო ეიჩარი” 15 მაისს, 11:00 საათიდან 15:00 საათამდე სასტუმრო “ბილტმორ თბილისში” სტუდენტებისთვის დასაქმების ფორუმს მართავს, რომლის მიზანი სტუდენტების კარიერული წინსვლის ხელშეწყობაა.
დასაქმების ფორუმზე წარმოდგენილი იქნება საქართველოში ცნობილი მრავალი კომპანია (საბანკო, სამომხმარებლო, სამრეწველო და სხვა სექტორებიდან) და სტუდენტებს საშუალება ექნებათ, მოიძიონ მათთვის საინტერესო ვაკანსიები და გამოავლინონ საკუთარი შესაძლებლობები.
საინფორმაციო შეხვედრაზე დასაქმების სააგენტო ეიჩარის წარმომადგენლებმა EEU-ს სტუდენტებს მიაწოდეს ამომწურავი ინფომრაცია ფორუმთან დაკავშირებით, გააცნეს CV სწორად შევსების სტრატეგია და უპასუხეს სტუდენტების შეკითხვებს. ამასთანავე, დაინტერესებულმა სტუდენტებმა, ფორუმში მონაწილეობის მიზნით, შეავსეს რეზიუმეები.
შეგახსენებთ, რომ დასაქმების ფორუმში მონაწილეობა შეუძლია EEU-ს ყველა სტუდენტს მიუხედავად ფორუმზე წინასწარი რეგისტრაციისა.
EEU წარმატებებს გისურვებთ!