მიმდინარე წლის 12-15 სექტემბერს აღმოსავლეთ ევროპის უნივერსიტეტის ვიცე-რექტორი სამეცნიერო დარგში, პროფესორი შალვა მაჭავარიანი და ვიცე-რექტორი ადმინისტრაციულ საკითხებში, თეა იმედაძე იმყოფებოდნენ ვიზიტით საბერძნეთის ქალაქ ათენში, ევროპის საჯარო სამართლის ორგანიზაციის (EPLO) დირექტორთა საბჭოსა (Board of Directors) და საჯარო სამართლის ევროპის კომისიის (European Group of Public Law) ყოველწლიურ შეხვედრაზე დასასწრებად.
საჯარო სამართლის ევროპის კომისიის 30 წლის იუბილესთან დაკავშირებით, ქალაქ ათენში გაიმართა საერთაშორისო კონფერენცია, რომელშიც მონაწილეობა მიიღეს საჯარო სამართლის სფეროში მოღვაწე მეცნიერებმა, ევროპის სხვადასხვა ქვეყნის მართლმსაჯულების ევროპული სასამართლოს მოსამართლეებმა და საჯარო სამართლის პრაქტიკოსებმა მსოფლიოს მასშტაბით.
კონფერენციის ფარგლებში შედგა შეხვედრები ევროპის რამდენიმე უნივერსიტეტის წარმომადგენლებთან მომავალი თანამშრომლობის შესახებ.
ოფიციალური მიღება გაიმართა რომაულ აგორაზე, რომელსაც საბერძნეთის პრეზიდენტმა ბატონმა პროკოპის პავლოპულოსმა უმასპინძლა. მან დამსწრე აუდიტორიას სიტყვით მიმართა და აღნიშნა ევროპის საჯარო სამართლის ორგანიზაციის წვლილი ევროინტეგრაციის გზაზე.
ღონისძიებაზე დამსწრე საზოგადოებას სიტყვით ასევე მიმართეს:
იუსტიციის მინისტრმა, ბატონმა კოსტას ციარასმა, ათენის მერმა ბატონმა კოსტას ბაკოიანისმა და ევროპის საჯარო სამართლის ორგანიზაციის სამეცნიერო საბჭოს პრეზიდენტმა, პროფესორმა საბინო კასესემ.