აღმოსავლეთ ევროპის უნივერსიტეტში ,, MOVIE CLUB“ ორგანიზებით გაიმართა ფილმის ,,ღმერთი არ არის მკვდარი” კინოჩვენება. კინოჩვენება განხორციელდა ინგლისურ ენაზე ქართული სუბტიტრებით.
კინოჩვენებას ესწრებოდნენ EEU-ს ადმინისტრაციული პერსონალი და ფილმის დასრულების შემდეგ, კლუბის წევრებს შორის გაიმართა საინტერესო დისკუსია ინგლისურ ენაზე.
EEU MOVIE CLUB უნივერსიტეტში შექმნილი არაფორმალური კლუბია, რომელიც უცხო ენის ცოდნის გაუმჯობესების მიზანს ემსახურება. კლუბი ხელს უწყობს არსებული ცოდნის პრაქტიკაში გამოყენებას, ახალი სიტყვების არაფორმალურ გარემოში სწავლას, ინგლისურ ენაზე მოსმენისა და საუბრის უნარების განვითარებას.
კინოჩვენებაზე მოსულ სტუმრებს MOVIE CLUB გაუმასპინძლდა პოპკორნითა და უალკოჰოლო სასმელით.
EEU-ს ადმინისტრაციული პერსონალისთვის MOVIE CLUB-ის მიერ ორგანიზებულ კინოჩვენებებზე დასწრება თავისუფალია და ყოველთვიურად ხორციელდება!