აღმოსავლეთ ევროპის უნივერსიტეტის (EEU) დაფინანსებითა და კინგსთან პარტნიორობით, იმერეთის რეგიონში, მე-10, მე-11, მე-12 კლასელებისთვის ინტელექტის ოლიმპიადა ჩატარდა. გამარჯვებული მოსწავლეების დაჯილდოების ცერემონია 26 ივნისს, ქ. ქუთაისის კულტურის ცენტრში გაიმართა.
დაჯილდოების ცერემონიალს იმერეთში სახელმწიფო რწმუნებული, ზვიად შალამბერიძე, ქ. ქუთაისის მერი, იოსებ ხახალეიშვილი, ტყიბულის მუნიციპალიტეტის მერი, დავით ჩერქეზიშვილი და ჭიათურის მუნიციპალიტეტის ვიცე-მერი, დავით ბიწაძე დაესწრნენ.
ინტელექტის ოლიმპიადის პირველი ტური იმერეთის 7 ქალაქში გაიმართა და 12 მუნიციპალიტეტის 400-ზე მეტი მოსწავლე იღებდა მონაწილეობას. ფინალური ტური 12 ივნისს ქ. ქუთაისში ჩატარდა, სადაც 3 გამარჯვებული გამოვლინდა.
აღმოსავლეთ ევროპის უნივერსიტეტის 2022 წლის გაზაფხულის სეზონის იმერეთის ინტელექტის ოლიმპიადის გამარჯვებული გახდნენ:
- 1-ელი ადგილი – ბექა ბარათაშვილი, ჭიათურის 1-ელი საჯარო სკოლა;
- მე-2 ადგილი – ლუკა ლიკლიკაძე, ქუთაისის 41-ე საჯარო სკოლა;
- მე-3 ადგილი – ნინო ჯვარშეიშვილმა ქუთაისის 41-ე საჯარო სკოლა;.
გამარჯვებულ მოსწავლეებს აღმოსავლეთ ევროპის უნივერსიტეტისგან სპეციალური ფულადი პრიზები და დიპლომები გადაეცათ. დამატებითი ფულადი პრიზები გამარჯვებულებისთვის დააწესეს ქ. ქუთაისის და ჭიათურის მუნიციპალიტეტის მერიამ.
ტყიბულის მუნიციპალიტეტის მასშტაბით, ინტელექტის ოლიმპიადის გამარჯვებულ მოსწავლეებს კი, მუნიციპალიტეტის მერმა, დავით ჩერქეზიშვილმა, I, II და III ადგილებზე გასულ მოსწავლეებს: ნიკოლოზ ოდიკაძეს, მარიამ ჩიხრაძეს და თათია გაბუნიას შესაბამის სიგელებთან ერთად ფულადი ჯილდოები გადასცა.
ინტელექტის ოლიმპიადის ფინალური ტურის ყველა მონაწილეს EEU-სა და KINGS-ისგან გადაეცათ სერტიფიკატები, ხოლო მაღალი რეიტინგის მქონე მოსწავლეებს – სპეციალური დიპლომები.
დაჯილდოების ღონისძიება ქ. ქუთაისის მერიისა და ტყიბულის მუნიციპალიტეტის მერიის მხარდაჭერით გაიმართა.
აღნიშნული ოლიმპიადის მთავარი მიზანია, მოსწავლეებს დაეხმაროს საკუთარი ინტელექტუალური უნარ-ჩვევების გაზომვაში, ასევე წაახალისოს და მხარი დაუჭიროს ნიჭიერ ახალგაზრდებს. EEU აგრძელებს ინტელექტის ოლიმპიადას და მომდევნო სეზონი 2023 წელს გაზაფხულზე გაიმართება.
