აღმოსავლეთ ევროპის უნივერსიტეტის (EEU) ვარლამ ჩერქეზიშვილის სახელობის ინტერდისციპლინური კვლევების ცენტრის ინიციატივითა და უწყვეტი განათლების ცენტრის ორგანიზებით 2024 წლის 25 იანვარს განათლების შესახებ მუდმივმოქმედი სემინარის მორიგი შეხვედრა გაიმართა.
ღონისძიების ფარგლებში EEU-ს განათლების მეცნიერებების ფაკულტეტის განათლების მეცნიერებების (ინგლისურენოვანი) სადოქტორო პროგრამის სტუდენტმა, ნათია გეგელაშვილმა აუდიტორიას წარუდგინა კვლევითი პროექტი თემაზე: „სტუდენტზე ორიენტირებული სწავლება და მისი გავლენა კარიერულ წარმატებაზე“.
სემინარის მეორე ნაწილი დაეთმო მრგვალი მაგიდის ფორმატის დისკუსიას თემაზე: „უცხო ენის სწავლება უმაღლეს განათლებაში: გამოწვევები და მათი დაძლევის გზები“.
შესავალი მოხსენება წაიკითხა აღმოსავლეთ ევროპის უნივერსიტეტის ენების ცენტრის ხელმძღვანელმა, EEU-ს წარმომადგენლობითი საბჭოს წევრმა, პროფ. მარინე ჩაგელიშვილი-ურუმაშვილმა.
შეხვედრას მოდერაციას უწევდა ვარლამ ჩერქეზიშვილის სახ. ინტერდისციპლინური კვლევების ცენტრის ხელმძღვანელი (EEU), პროფ. გიორგი თავაძე.
მრგვალი მაგიდა ღონისძიების ყველა მონაწილის აქტიური ჩართულობით წარიმართა.