აღმოსავლეთ ევროპის უნივერსიტეტის (EEU) მიერ სკოლის მოსწავლეებისთვის ღია კარის დღე 2025-ის ფარგლებში, 04 მაისს EEU-CAFE-ში გაიმართა კულინარიული დუელი Chef Gio-სთან ერთად.
მოსწავლეები ჩაერთვნენ კულინარიულ შეჯიბრში, რომელიც გუნდური პრინციპით წარიმართა. თითოეული გუნდისთვის შემთხვევითობის პრინციპით შეირჩა კერძი, რის შემდეგაც მათ დაევალათ არსებული კერძის გარდაქმნა ახალ კერძად იმ ინგრედიენტების დამატებით, რომლებიც საიდუმლო ყუთში იყო მოთავსებული.
ღონისძიებას გაუძღვა Chef Gio (გიორგი ნაცვლიშვილი), რომელმაც I, II და III ადგილოსანი გუნდების ვინაობა აღმოსავლეთ ევროპის უნივერსიტეტის რექტორთან, კახაბერ ლაზარაშვილთან, განათლების მეცნიერებების ფაკულტეტის დეკანთან, ქეთევან აფთარაშვილთან და უწყვეტი განათლებისა და სტუდენტური სერვისების ცენტრის უფროსთან, მარიამ ლიკლიკაძესთან ერთად გამოავლინა.
აღმოსავლეთ ევროპის უნივერსიტეტისგან (EEU) კულინარიული შეჯიბრის გამარჯვებული გუნდის თითოეულ წევრს გადაეცა საუკეთესო შეფმზარეულის ჯილდო და სასწავლო ვაუჩერები.
EEU-CAFE კულინარიული დუელის გამარჯვებული მოსწავლეები არიან:
- ნანა გაფრინდაშვილი – 192-ე საჯარო სკოლა;
- მარიამ მახათაძე – 208-ე საჯარო სკოლა;
- ანანო ლაფაჩი – 114-ე საჯარო სკოლა;
- ელისაბედ გაფრინდაშვილი – 114-ე საჯარო სკოლა.
კულინარიული დუელის ყველა მონაწილეს საჩუქრად გადაეცა კინოს ერთწლიანი, ექვსთვიანი, სამთვიანი და ერთთვიანი CAVEA ვაუჩერები. ასევე, EEU-ს სტუდენტებმა აქტივობის განხორციელებაში მხარდაჭერისთვის მიიღეს სიმბოლური საჩუქარი – EEU-CAFE ვაუჩერები.
EEU-ში გრძელდება საინტერესო, ინტელექტუალურ-შემეცნებითი და გასართობი აქტივობების ციკლი.
არ გამოტოვოთ ღია კარის დღეები აღმოსავლეთ ევროპის უნივერსიტეტში, თუ ჯერ არ დარეგისტრირებულხართ, შეავსეთ სარეგისტრაციო ფორმა.
