აღმოსავლეთ ევროპის უნივერსიტეტში (EEU), ღია კარის დღეების ფარგლებში, 11 მაისს გაიმართა საკვირაო სკოლის 1-ელი სესია: პირველადი სამედიცინო დახმარების მასტერკლასი.
ღონისძიების მიმდინარეობისას სკოლის მოსწავლეები გაეცნენ პირველადი დახმარების ძირითად პრინციპებს და ჩაერთნენ პრაქტიკულ სიმულაციურ სწავლებაში.
პირველადი სამედიცინო დახმარების მასტერკლასს გაუძღვა ჯანდაცვის მეცნიერებათა ფაკულტეტის დეკანის მოადგილე, ექიმი ელენე ზურაბიშვილი.
თეორიული და პრაქტიკული სწავლების ფარგლებში სამიზნე ჯგუფი გაეცნო შემდეგ საკითხებს:
- გადაუდებელი სიტუაციის შეფასება – როდის უნდა დავურეკოთ დახმარებას (DRSABC პრინციპი: Danger (საფრთხე), Response (რეაქცია), Send for help (დახმარების გამოძახება), Airway (სასუნთქი გზა), Breathing (სუნთქვა), Circulation (ცირკულაცია);
- რეაგირება ხშირ ტრავმებსა და მდგომარეობებზე;
- პირველადი დახმარების გაწევა პროფესიონალური დახმარების მოსვლამდე;
- განსხვავება სიცოცხლისთვის საშიშ და უმნიშვნელო დაზიანებებს შორის.
მასტერკლასის მიმდინარეობისას სკოლის მოსწავლეების მონაწილეობით განხორციელდა მანეკენზე პრაქტიკული მუშაობა:
- გულის გაჩერება და CPR-ის დემონსტრაცია;
- დახშული სასუნთქი გზები (დახრჩობის ამოცნობა, ზურგზე დარტყმებისა და მუცლის წნევის დემონსტრაცია);
- დამსხვრეული ჭრილობები და სისხლდენა (პირდაპირი წნევის გამოყენება სისხლდენისას, ხელისა ან ფეხის გადახვევის პრაქტიკა მანეკენზე);
- დამწვრობები (გაგრილება გამდინარე წყლით, თავისუფლად დაფარვა, ხშირი შეცდომების ახსნა);
- გულის წასვლა (გულის წასვლის ნიშნები, როგორ მოვიქცეთ გულის წასვლისას).
ღონისძიების ფარგლებში სკოლის მოსწავლეებმა ტრენერთან ერთად შედგინეს პირველადი დახმარების პირადი ნაკრები – საბაზისო ნივთები: პლასტერები, ბინტები, ანტისეპტიკური ხელსახოცები და სხვა.
მასტერკლასის დასასრულს სკოლის მოსწავლეებისთვის გაიმართება ინტერაქტიული ქვიზი. გამარჯვებულ მოსწავლეებს გადაეცათ სასწავლო ვაუჩერები და დამატებითი ბონუს 15 ქულა EEU აუქციონისთვის.
18 მაისს, 13:00 საათზე დაგეგმილია საკვირაო სკოლის მეორე სესია მენტალური, ფიზიკური და სოციალური კეთილდღეობის შესახებ.
საკვირაო სკოლის დასრულების შემდეგ მონაწილეებს გადაეცემათ სერტიფიკატი.
EEU-ში გრძელდება საინტერესო, ინტელექტუალურ–შემეცნებითი და გასართობი აქტივობების ციკლი.
განრიგი იხილეთ ბმულზე.
არ გამოტოვოთ ღია კარის დღეები EEU-ში, თუ ჯერ არ დარეგისტრირებულხართ, შეავსეთ სარეგისტრაციო ფორმა
