EEU-ს ფიზიკური, მენტალური და სოციალური კეთილდღეობის სამეცნიერო კვლევითი ცენტრი (PMSW) აგრძელებს გაეროს მოსახელობის ფონდთან და უმაღლეს სასწავლებლებთან თანამშრომლობას, რათა რაც შეიძლება მეტმა ახალგაზრდამ მიიღოს ცოდნა კეთილდღეობისა და პირადი უსაფრთხოების შესახებ.
აღმოსავლეთ ევროპის უნივერსიტეტმა (EEU) გაეროს მოსახლეობის ფონდთან (UNFPA) თანამშრომლობით შეიმუშავა ორი სილაბუსი, რომლებიც განკუთვნილია განათლების ადმინისტრირების სამაგისტრო და მასწავლებლის მომზადების 60-კრედიტიანი საგანმანათლებლო პროგრამებისთვის. სილაბუსის შემუშავების პროცესში ჩართული იყვნენ ქართველი და უცხოელი ექსპერტები: აღმოსავლეთ ევროპის უნივერისტეტის რექტორი, პროფესორი კახაბერ ლაზარაშვილი და პროფესორი პიტერ აგლეტონი ( დიდი ბრიტანეთი). აღნიშნული სასწავლო კურსები წარმოადგენს არჩევით მოდულებს, რომელებიც ასევე პროგრამებში შეიძლება ინტეგრირდეს სავალდებულო საგნებად.
აღმოსავლეთ ევროპის უნივერსიტეტმა გაეროს მოსახლეობის ფონდთან ერთად, სილაბუსები დაინტერესებულ უნივერსიტეტებს წარუდგინა და განიხილა მათი სასწავლო პროგრამებში დანერგვის შესაძლებლობა. სასწავლო კურსების პროგრამებში ინტეგრირების შემდეგ დაიწყება კურსის სწავლებაში ჩართული აკადემიური პერსონალის გადამზადების პროცესი.