სახელმწიფო ინსპექტორის სამსახური, აქტიური და მოტივირებული სტუდენტებისთვის, „პერსონალურ მონაცემთა დაცვის ელჩების“ მეორე ნაკადის მისაღებ კონკურსს აცხადებს.
„პერსონალურ მონაცემთა დაცვის ელჩები“- სახელმწიფო ინსპექტორის სამსახურის ახალგაზრდული პროექტია, რომლის ფარგლებშიც საქართველოს ყველა რეგიონიდან შერჩეული ახალგაზრდები პერსონალურ მონაცემთა დაცვის მიმართულებით საზოგადოების ცნობიერების ამაღლებაში ერთვებიან. პროექტი მოტივირებულ ახალგაზრდებს შესაძლებლობას აძლევს განვითარდნენ პროფესიულად და საკუთარი წვლილი შეიტანონ ქვეყანაში პერსონალურ მონაცემთა დაცვის სფეროში.
თუ გსურს, 2022 წლიდან შენ გახდე „პერსონალურ მონაცემთა დაცვის ელჩი“, 22 დეკემბრამდე ჩაწერე სამოტივაციო ვიდეო და შენს რეზიუმესთან ერთად გამოგზავნე მითითებულ ელექტრონულ ფოსტაზე: elchebi@stateinspector.ge