აღმოსავლეთ ევროპის უნივერსიტეტსა (EEU) და საქართველოს განათლების მართვის საინფორმაციო სისტემა (EMIS) შორის თანამშრომლობის მემორანდუმი გაფორმდა.
მემორანდუმს ხელმძღვანელმა პირებმა, დიმიტრი ბერიძემ და დავით ჩერქეზიშვილმა მოაწერეს ხელი. შეთანხმების ფარგლებში, მხარეები ითანამშრომლებენ სიახლეების დანერგვაზე და ერთობლივ პროექტებზე, აბიტურიენტთა და სტუდენტთა ჩართულობისა და მათთვის ცოდნის გაზიარების მიზნით. აღნიშნული პროექტების განხორციელებისთვის Microsoft Teams-ის მძლავრი საკომუნიკაციო ონლაინ პლატფორმა იქნება გამოყენებული, რომლის მეშვეობითაც დისტანციური სწავლების პროცესი წარმატებით დაინერგა.
მხარეთა განცხადებით, რამდენიმე დღეში გაიმართება მასშტაბური სოციალური პროექტის პრეზენტაცია, რომელსაც აღმოსავლეთ ევროპის უნივერსიტეტი და განათლების მართვის საინფორმაციო სისტემა (EMIS), პროექტის მონაწილე სატელეკომუნიკაციო ოპერატორ “სილქნეტთან” ერთად, სწორედ Microsoft Teams-ის მეშვეობით განახორციელებს.