“კოიმბრას უნივერსიტეტში ვიზიტი, რომელიც Erasmus+ პერსონალის მობილობის ფარგლებში შედგა, ჩემთვის განსაკუთრებული გამოცდილება იყო.

მომეცა შესაძლებლობა გავცნობოდი ევროპის ერთ-ერთი უძველესი და ყველაზე პრესტიჟული უნივერსიტეტის ადმინისტრაციულ პროცედურებს, სტუდენტურ სერვისებსა და საერთაშორისო თანამშრომლობის ინიციატივებს.

ვიზიტის ფარგლებში გავეცანი უნივერსიტეტის მუშაობის საუკეთესო პრაქტიკას და მომეცა შესაძლებლობა, კოიმბრას უნივერსიტეტის თანამშრომლებთან ერთად მიმეღო გამოცდილების გაზიარების და ინოვაციური მიდგომების აღმოჩენის უნიკალური გამოცდილება, რომლებიც შესაძლებელია ჩვენს უნივერსიტეტშიც წარმატებით იქნას დანერგილი.

პროფესიული განვითარებისა და კომპეტენციების გაღრმავების გარდა, აღნიშნულმა გამოცდილებამ მნიშვნელოვნად შეუწყო ხელს კულტურათაშორისი ურთიერთგაგების გაძლიერებასა და გრძელვადიანი პარტნიორული ურთიერთობების ჩამოყალიბებას. კოიმბრას უნივერსიტეტის სტუმართმოყვარე ატმოსფერო და მისი მდიდარი აკადემიური ტრადიცია ამ მობილობას განსაკუთრებულად დასამახსოვრებელს ხდის.

განსაკუთრებულ მადლობას ვუხდი როგორც აღმოსავლეთ ევროპის უნივერსიტეტს, ისე კოიმბრას უნივერსიტეტს ამ შესაძლებლობისთვის. Erasmus+ პროგრამის ფარგლებში მიღებული გამოცდილება ხელს შეუწყობს ჩვენი ადმინისტრაციული პროცესების გაუმჯობესებას და სტუდენტთა და პერსონალის საერთო გამოცდილების ხარისხის ამაღლებას.”

“ტუშას უნივერსიტეტში (იტალია) Erasmus+ გაცვლით პროგრამaში მონაწილეობა ჩემთვის, როგორც აკადემიური პერსონალისთვის, მეტად საინტერესო აღმოჩნდა. ამ პროგრამამ მომცა მნიშვნელოვანი გამოცდილება და ხელი შემიწყო როგორც პიროვნულ, ისე პროფესიულ განვითარებაში. მომეცა შესაძლებლობა, გამეზიარებინა ცოდნა და იდეები.

ამ პროცესმა მკაფიოდ დამანახა, რამდენად ძლიერი და გარდამქმნელი რესურსია მსგავსი ინიციატივები, ის აღვივებს კრეატიულობას, კრიტიკულ აზროვნებას და თანამშრომლობას მომავალ პროფესიონალებში.

ERASMUS+ პროგრამამ დამარწმუნა, რომ ის გზა, რომელიც წლების წინ ავირჩიე, არის გზა, რომელიც ცოდნას საზღვრებს არ უდგენს და აერთიანებს ხალხებს განათლების, თანასწორობისა და მულტიკულტურული ურთიერთგაგების საფუძველზე.

განსაკუთრებულ მადლობას ვუხდი აღმოსავლეთ ევროპის უნივერსიტეტსა და ტუშას უნივერსიტეტს, მათი მხარდაჭერისა და ნდობის გარეშე ამ მნიშვნელოვანი გამოცდილების მიღება შეუძლებელი იქნებოდა.”