გსურს Erasmus+-ის დაფინანსებით გაემგზავრო ევროპაში, ისწავლო კოიმბრას უნივერსიტეტში (პორტუგალია) და მიიღო დაუვიწყარი გამოცდილება?
მაშინ ეს კონკურსი შენთვისაა! გახდი ერასმუსელი!
აღმოსავლეთ ევროპის უნივერსიტეტი აცხადებს კონკურსს სტუდენტებისთვის, 2025-2026 სასწავლო წლის შემოდგომის სემესტრში (შემოდგომის სემესტრი მოიცავს შემდეგ პერიოდს: სასესიო პერიოდი – 09.09.2025-19.12.2025; საგამოცდო პერიოდი: 05.01.2026-06.02.2026) კოიმბრას უნივერსიტეტში (პორტუგალია) Erasmus+ გაცვლით პროგრამაში მონაწილეობისთვის.
გაცვლითი პროგრამა ცხადდება ევროკომისიის მიერ დაფინანსებული Erasmus+ პროგრამის საერთაშორისო კრედიტ მობილობის (International Credit Mobility –ICM) ფარგლებში, რომელიც ხორციელდება EEU და კოიმბრას უნივერსიტეტს შორის გაფორმებული საპარტნიორო ხელშეკრულების საფუძველზე.
აღმოსავლეთ ევროპის უნივერსიტეტის იურიდიულ და სოციალურ მეცნიერებათა ფაკულტეტის საერთაშორისო ურთიერთობების საბაკალავრო პროგრამის სტუდენტებს გეძლევათ შესაძლებლობა, გაცვლითი ერთი სემესტრი (4 თვე) გაატაროთ კოიმბრას უნივერსიტეტში, ეზიაროთ საერთაშორისო გამოცდილებას, მიიღოთ ცოდნა და დაუვიწყარი გამოცდილება!
დაფინანსება მოიცავს:
- ყოველთვიურ სტიპენდიას: 850 ევრო;
- მგზავრობის ხარჯებს: 1188 ევრო;
- დაზღვევის ანაზღაურებას.