გსურს გაემგზავრო ევროპაში? მიიღო ერასმუსის დაფინანსება, ისწავლო ზემო ავსტრიის განათლების უნივერსიტეტში (ლინცი) და მიიღო დაუვიწყარი გამოცდილება?
ეს კონკურსი შენთვისაა! გახდი ერასმუს პლიუსის სტიპენდიით დაფინანსებული სტუდენტი!
აღმოსავლეთ ევროპის უნივერსიტეტი აცხადებს ერასმუს პლიუსის სასტიპენდიო კონკურსს, რომლის წარმატებით გავლის შემთხვევაში, 2022 აკადემიური წლის გაზაფხულის სემესტრისათვის სტუდენტებს საშუალება მიეცემათ ისწავლონ ზემო ავსტრიის განათლების უნივერსიტეტში (გაზაფხულის სემესტრი მოიცავს შემდეგ პერიოდს: 24.02.2022-05.07.22)
კონკურსი ცხადდება ევროკომისიის მიერ დაფინანსებული ერასმუს პლიუსის საერთაშორისო კრედიტ მობილობის ფარგლებში, რომელიც ეფუძნება ზემო ავსტრიის განათლების უნივერსიტეტსა და აღმოსავლეთ ევროპის უნივერსიტეტს შორის გაფორმებულ ხელშეკრულებას.
კონკურსში მონაწილეობის მიღება შეუძლიათ აღმოსავლეთ ევროპის უნივერსიტეტის განათლების კვლევებისა და ადმინისტრირების მაგისტრატურის სტუდენტებს. კონკურსში გამარჯვებულ სტუდენტებს სრულად დაუფინანსდებათ ავსტრიაში სწავლის პეროდი. ერასმუს პლიუსის სტიპენდია მოიცავს როგორც სასწავლო გადასახადს, ასევე მგზავრობის და ცხოვრების ხარჯებს. სტუდენტები ერთი სემესტრის განმავლობაში ყოველთვიურად მიიღებენ 850 ევროს (4,5 თვის განმავლობაში) და ერთჯერადად 360 ევროს მგზავრობის ხარჯებს.