სოციალურ და პოლიტიკურ მეცნიერებათა პანთეონის უნივერსიტეტის პროფესორი, მარია მენგ-პაპანტონი მიმდინარე წლის 19-23 ივნისს Erasmus+ პროგრამის აკადემიური პერსონალის მობილობის (STA) ფარგლებში ვიზიტით იმყოფებოდა აღმოსავლეთ ევროპის უნივერსიტეტში.
პროფესორი მენგ-პაპანტონი შეხვდა უნივერსიტეტის რექტორის მოვალეობის შემსრულებელს, პროფესორ კახაბერ ლაზარაშვილსა და ვიცე-რექტორს საგანმანათლებლო პროგრამების განვითარების საკითხებში, პროფესორ ზვიად როგავას. ასევე, გაიმართა შეხვედრები იურიდიულ და სოციალურ მეცნიერებათა ფაკულტეტის წარმომადგენლებთან. მხარეებმა ერთმანეთს გამოცდილება გაუზიარეს, ისაუბრეს თანამშრომლობის შესაძლებლობებზე და დასახეს სამომავლო გეგმები.