2022 წლის 8 ივნისს აღმოსავლეთ ევროპის უნივერსიტეტის მცირე საკონფერენციო დარბაზში სტუდენტური თვითმმართველობის ორგანიზებით სკოლის მოსწავლეებისთვისა და EEU-ს სტუდენტებისთვის ჩატარდა ესეების კონკურსი თემაზე: „ნაბიჯი ზრდასრულობისკენ“.
კონკურსი მისასალმებელი სიტყვით აღმოსავლეთ ევროპის უნივერსიტეტის რექტორის მ/შემსრულებელმა კახაბერ ლაზარაშვილმა გახსნა; მონაწილეებს ასევე მიესალმნენ ვიცე-რექტორი სასწავლო პროცესის ადმინისტრირების საკითხებში, რუსუდან ჩიქოვანი და EEU-ს პროფესორი გიორგი თავაძე.
კონკურსში მონაწილეობა მიიღეს ქ. თბილისის N172 და N160 საჯარო სკოლის XI კლასის სკოლის მოსწავლეებმა და EEU-ს სტუდენტებმა. მონაწილეებმა ისაუბრეს თუ რას ნიშნავს ზრდასრულობა მათთვის და ერთმანეთს გაუზიარეს პირადი გამოცდილება.
ღონისძიების დასასრულს, საკონკურსო კომისიის გადაწყვეტილებით კონკურსის თითოეულ მონაწილეს გადაეცა კინოთეატრის ბილეთები.