პროექტისთვის – „გახდი აუდიტორი“ სტუდენტების შერჩევა დაიწყო!

პროექტში მონაწილეობა შეუძლია უნივერსიტეტის III-IV კურსის სტუდენტს, რომელსაც აქვს საშუალო შეწონილი ქულა (GPA) 3.5 ან მეტი, ფლობს ინგლისურ ენას B2 დონეზე და გავლილი აქვს ფინანსური აღრიცხვის კურსი ან ACCA F3 დონე. 

აღმოსავლეთ ევროპის უნივერსიტეტის სახელით პროექტში მონაწილეობისთვის კონკურსის საფუძველზე შეირჩევა საუკეთესო შედეგის მქონე ერთი სტუდენტი.

პროექტის ფარგლებში, სტუდენტები შეხვდებიან საერთაშორისო აუდიტორული კომპანიების წარმომადგენლებს და მონაწილეობას მიიღებენ საჯარო აუდიტის ინსტიტუტის მიერ ორგანიზებულ სასწავლო ღონისძიებაში, რომელიც დაეხმარება მათ სტაჟირების პროგრამის ფარგლებში გამოცხადებული კონკურსის წარმატებით გავლაში.

პროექტში მონაწილეობის მსურველი სტუდენტების განაცხადების მიიღება იწარმოებს 2 აპრილიდან 6 აპრილის ჩათვლით უნივერსიტეტის ელ-ფოსტაზე: info@eeu.edu.ge.

კანდიდატის შესარჩევად 7 აპრილს ჩატარდება ტესტირება ინგლისურ ენაში.