აღმოსავლეთ ევროპის უნივერსიტეტში, ღია კარის დღეების ფარგლებში, სკოლის მოსწავლეებისთვის სამაგიდო თამაშების ჩემპიონატი „შენი სვლაა“ გაიმართა.
ღონისძიების მიზანი მონაწილეებისთვის გუნდური მუშაობის, სტრატეგიული აზროვნების, გადაწყვეტილების მიღებისა და ჯანსაღი კონკურენციის ხელშეწყობა იყო.
ჩემპიონატი სამ ეტაპად წარიმართა. მონაწილეებმა საკუთარი შესაძლებლობები სტრატეგიულ და ინტელექტუალურ სამაგიდო თამაშებში – Dixit Odyssey, Coup და Ticket to Ride – გამოსცადეს.
ტურნირის დასასრულს გამოვლინდნენ გამარჯვებულები. პირველ სამ ადგილზე გასული მონაწილეები ღონისძიების მთავარი პარტნიორის – „ოლივანდერის“ – სასაჩუქრე ბარათებით დაჯილდოვდნენ.
აღმოსავლეთ ევროპის უნივერსიტეტი ულოცავს გამარჯვებულებს და მადლობას უხდის ყველა მონაწილეს აქტიური ჩართულობისთვის.
