გამყოფი ხაზის მიმდებარე სოფლებში მცხოვრები სტუდენტების სწავლის დაფინანსებასთან დაკავშირებით განცხადებების ელექტრონული რეგისტრაცია დაიწყო. პროგრამას ახორციელებს განათლებისა და მეცნიერების სამინისტრო სტუდენტების სწავლის ხელშეწყობის მიზნით.
დაფინანსების უფლების მქონე პირი:
პროგრამის მიზნობრივ ჯგუფს წარმოადგენს გორის, კასპის, ქარელის, ხაშურის, საჩხერის, დუშეთის, ონის, წალენჯიხის და ზუგდიდის მუნიციპალიტეტებში მცხოვრები სტუდენტები, რომლებიც კანონმდებლობით დადგენილი წესით ჩაირიცხნენ და სწავლობენ აკადემიური უმაღლესი განათლების ბაკალავრიატის, მასწავლებლის მომზადების ინტეგრირებული საბაკალავრო-სამაგისტრო, ვეტერანიის ინტეგრირებული სამაგისტრო, დიპლომირებული მედიკოსის/სტომატოლოგის და მაგისტრატურის აკრედიტებულ საგანმანათლებლო პროგრამებზე.
მიმდინარე წელს პირველად სამიზნე ჯგუფის წევრები დაფინანსებისთვის რეგისტრაციას გაივლიან ელექტრონულ პორტალზე: http://socreg.mes.gov.ge/login/.
რეგისტრაცია დასრულდება 5 დეკემბერს, 18:00 საათზე.
პროგრამის შესახებ დეტალური ინფორმაცია იხილეთ ბმულზე:
https://mes.gov.ge/content.php?id=13192&lang=geo
ელექტრონული რეგისტრაციისა და განცხადების შევსების ინსტრუქციის შესახებ 22 ნოემბერს, 18:00 საათზე, აღმოსავლეთ ევროპის უნივერსიტეტის სტუდენტებისთვის გაიმართება საორიენტაციო შეხვედრა.
სპიკერი: ქეთევან აფთარაშვილი, განათლების დეპარტამენტის უფროსი (EEU), ასოცირებული პროფესორი
შეხვედრის ხანგრძლივობა: 45 წუთი
ფორმატი: დისტანციური, MS Teams
შეხვედრაზე დასწრების ბმული: http://bit.ly/3gh1Uxr