აღმოსავლეთ ევროპის უნივერსიტეტში ბიზნესისა და ინჟინერიის ფაკულტეტისა და სტუდენტური თვითმმართველობის მხარდაჭერით 2024 წლის 19 მარტს არქიტექტურის საბაკალავრო პროგრამის სტუდენტების, სერგო ბრეგვაძისა და სულხან სურმანიძის მიერ ტილოზე შესრულებული ფერწერული ნამუშევრების გამოფენა-გაყიდვა გაიმართა.
გამოფენა აღმოსავლეთ ევროპის უნივერსიტეტის რექტორმა, კახაბერ ლაზარაშვილმა გახსნა, რომელიც დამსწრე საზოგადოებას მიესალმა და გამოფენის ავტორებს წარმატება უსურვა.
ღონისძიებას ესწრებოდნენ ბიზნესისა და ინჟინერიის ფაკულტეტის დეკანი, ვასილ კიკუტაძე, ადმინისტრაციის წარმომადგენლები, სპეციალურად მოწვეული სტუმრები, EEU-ს არქიტექტურის საბაკალავრო პროგრამის ხელმძღვანელი ასოცირებული პროფესორი, ბელა თინიკაშვილი და პროგრამის განმახორციელებელი სხვა პროფესორ-მასწავლებლებიც:
- რევაზ ხასია – სსიპ-განათლების ხარისხის განვითარების ეროვნული ცენტრის მიერ გამოცემული არქიტექტორ-ტექნიკოსის სახელმძღვანელოს თანაავტორი, EEU-ს ასოცირებული პროფესორი;
- ბესარიონ ტატიშვილი – არქიტექტორი, არქიტექტურის საერთაშორისო აკადემიის პროფესორი-(IAA), EEU-ს მოწვეული პროფესორი;
- მზია ხაჭაპურიძე – „მნ-პროექტის “არქიტექტორ-დიზაინერი, EEU-ს ასოცირებული პროფესორი;
- ნათელა ჯობაძე – არქიტექტორთა და მხატვართა კავშირის წევრი, EEU-ს ასოცირებული პროფესორი, სხვა მოწვეული სტუმრები, სტუდენტები და კურსდამთავრებულები.
გამოფენის ავტორებმა დამსწრე საზოგადოებას გააცნეს თავიანთი ნამუშევრები, რომლებიც ორიგინალური და ინდივიდუალური შესრულების მანერით გამოირჩეოდა;
გამოფენის ავტორებმა, აღმოსავლეთ ევროპის უნივერსიტეტის გუნდს მადლობა გადაუხადეს გამოფენის ორგანიზებისა და მხარდაჭერისთვის, ასევე დაანონსეს შემდგომი გამოფენებიც.
