აღმოსავლეთ ევროპის უნივერსიტეტში (EEU) მიმდინარე წლის 14 დეკემბერს განათლების შესახებ მორიგი მუდმივმოქმედი სემინარი გაიმართა.
ღონისძიების ფარგლებში EEU-ს ვარლამ ჩერქეზიშვილის სახ. ინტერდისციპლინური კვლევების ცენტრის ხელმძღვანელმა, პროფესორმა, გიორგი თავაძემ აუდიტორიას წარუდგინა პროექტი თემაზე: „ადგილები და სივრცეები უნივერსიტეტის შიგნით და მის გარეთ“.
მოხსენებით ასევე წარსდგა აღმოსავლეთ ევროპის უნივერსიტეტის (EEU) განათლების მეცნიერებების ფაკულტეტის განათლების კვლევებისა და ადმინისტრირების სამაგისტრო პროგრამის სტუდენტი მარი დოღონაძე, რომელმაც განიხილა საკუთარი კვლევითი პროექტი: ,,საერთაშორისო სტუდენტების ინტეგრაცია საუნივერსიტეტო ცხოვრებაში: ადგილებზე დაფუძნებული პრაქტიკული კვლევა“, რომელმაც შოთა რუსთაველის სახ. ეროვნული სამეცნიერო ფონდის დაფინანსება მოიპოვა.
სემინარის მეორე ნაწილი დაეთმო მრგვალი მაგიდის ფორმატის დისკუსიას თემაზე: „ხელოვნური ინტელექტი განათლებაში: გამოწვევები და პერსპექტივები“. შესავალი მოხსენება ხელოვნური ინტელექტის კვლევების ლიდერმა, ლუკა ბაკლაგამ (ბიზნესისა და ტექნოლოგიების უნივერსიტეტი) წაიკითხა.
მრგვალი მაგიდა ღონისძიების ყველა მონაწილის აქტიური ჩართულობით წარიმართა.