საკონსტიტუციო სასამართლოს საზაფხულო სკოლა – კონსტიტუციური და ადამიანის უფლებათა სამართალი

საქართველოს საკონსტიტუციო სასამართლო ევროკავშირისა და ევროპის საბჭოს მიერ თანადაფინანსებული პროექტის „სასამართლო რეფორმის მხარდაჭერა საქართველოში“ და USAID სამართლის უზენაესობის პროგრამის ფინანსური  მონაწილეობით იწვევს იურიდიული ფაკულტეტის ბაკალავრიატისა და მაგისტრატურის სტუდენტებსა და კურსდამთავრებულებს საზაფხულო სკოლის  შესარჩევ  კონკურსში მონაწილეობისათვის.

ლექციები ჩატარდება საქართველოს საკონსტიტუციო სასამართლოში, ქ. ბათუმში. საზაფხულო სკოლის მონაწილეები უზრუნველყოფილი იქნებიან ტრანსპორტირებით და განთავსდებიან სასტუმროში.

საზაფხულო სკოლის კურსის დასრულების შემდეგ, წარმატებულ კურსდამთავრებულებს შესაძლებლობა ექნებათ, ანაზღაურებადი სტაჟირება გაიარონ და დასაქმდნენ საკონსტიტუციო სასამართლოში.

სავალდებულო მოთხოვნაა, დაინტერესებული კანდიდატი:

• იყოს იურიდიული ფაკულტეტის სტუდენტი ან კურსდამთავრებული;
• თავისუფლად ფლობდეს ინგლისურ ენას.

განცხადების წარდგენის ბოლო ვადა არის 17 ივნისი, 2022.

საკონსტიტუციო სასამართლოს საზაფხულო სკოლის ჩატარების თარიღი : 18 -26 ივლისი, 2022;

რეგისტრაციისათვის დაინტერესებულ პირებმა უნდა წარმოადგინონ რეზიუმე ფოტოსურათით შემდეგ ელექტრონულ მისამართზე: summerschool2022@constcourt.ge.

შერჩეული კანდიდატები გაივლიან ონლაინ  ტესტირებას (ინგლისურ ენასა და სამართალში) და გასაუბრებას. ტესტირებისა და გასაუბრების ბმულს კანდიდატები მიიღებენ ელ. ფოსტაზე.

საზაფხულო სკოლის შესახებ დამატებითი ინფორმაციისათვის ეწვიეთ ბმულს.