ინტელექტუალურ-შემეცნებითი და გასართობი აქტივობების სერიის ფარგლებში სამართლის მიმართულებით დაინტერესებული სკოლის მოსწავლეებისთვის 19 მაისს აღმოსავლეთ ევროპის უნივერსიტეტში გაიმართა მორიგი საინტერესო და ინტერაქციული აქტივობა: ,,იმიტირებული სასამართლო პროცესი“.
სასამართლო პროცესი EEU-ს იმიტირებული სასამართლო პროცესის დარბაზში გაიმართა.
ღონისძიება შედგებოდა ორი ეტაპისგან:
I ეტაპზე მოსამართლემ, EEU-ს ასისტენტ-პროფესორმა ალექსანდრე იაშვილმა სკოლის მოსწავლეები მოამზადა იმიტირებული სასამართლო პროცესისთვის და გააცნო:
- სისხლის სამართლის პროცესის ძირითადი პრინციპები;
- მოსამართლისა და მხარეების (ბრალდების მხარე და დაცვის მხარე) ფუნქციები;
- პროცესის წარმართვის წესი და მტკიცებულებების გამოკვლევის პროცედურა.
II ეტაპზე სკოლის მოსწავლეებმა მონაწილეობა მიიღეს უშუალოდ იმიტირებული სასამართლო პროცესის ინსცენირებაში.
საჯარო ლექციამ და იმიტირებულმა სასამართლო პროცესმა, რომელსაც სხვადასხვა კერძო და საჯარო სკოლის მოსწავლეები ესწრებოდნენ, მსმენელთა დიდი ინტერესი გამოიწვია.
EEU-ში გრძელდება საინტერესო, ინტელექტუალურ-შემეცნებითი და გასართობი აქტივობების ციკლი.
არ გამოტოვოთ ღია კარის დღეები აღმოსავლეთ ევროპის უნივერსიტეტში, თუ ჯერ არ დარეგისტრირებულხართ, შეავსეთ სარეგისტრაციო ფორმა.