2024 წლის 11 მაისს, აღმოსავლეთ ევროპის უნივერსიტეტში ინტელექტუალურ-შემეცნებითი აქტივობების ციკლის ფარგლებში, სკოლის მოსწავლეებისთვის გაიმართა მრგვალი მაგიდა თემაზე: ,,ახალგაზრდების კეთილდღეობა’’. შეხვედრა წარმართა EEU-ს რექტორმა, პროფესორმა კახაბერ ლაზარაშვილმა.
მრგვალი მაგიდის ფარგლებში განხილული იყო ახალგაზრდებში ფიზიკური, მენტალური და სოციალური კეთილდღეობის ხელშემწყობი ფაქტორები. კახაბერ ლაზარაშვილმა მოსწავლეებს წარუდგინა პრეზენტაცია ფიზიკური, მენტალური და სოციალური კეთილდღეობის მნიშვნელობის შესახებ. ბატონმა კახაბერმა მსმენელებს გააცნო ახალგაზრდების კეთილდღეობის შესახებ ჩატარებული კვლევების შედეგები, რომლებიც აღნიშნული მიმართულებით შეინიშნება საქართველოში და გაუზიარა საკუთარი გამოცდილება ფიზიკური ჯანმრთელობის მნიშვნელობის და პრევენციის შესახებ. შეხვედრა მსმენელთა აქტიური ჩართულობით წარიმართა. მრგვალი მაგიდის ფორმატში მოსწავლეებმა იმსჯელეს ფიზიკური, მენტალური და სოციალური კეთილდღეობის მნიშვნელობის საკითხებზე, არსებულ გამოწვევებსა და გადაჭრის გზებზე.
EEU-ში გრძელდება საინტერესო, ინტელექტუალურ-შემეცნებითი და გასართობი აქტივობების ციკლი.
არ გამოტოვოთ ღია კარის დღეები აღმოსავლეთ ევროპის უნივერსიტეტში, თუ ჯერ არ ხართ დარეგისტრირებული, შეავსეთ სარეგისტრაციო ფორმა.
