2023 წლის 14 ივნისს აღმოსავლეთ ევროპის უნივერსიტეტის (EEU) ახალ კამპუსში სკოლის მოსწავლეებისთვის გაიმართა ფსიქოლოგ ნანა გოგიჩაშვილის საჯარო ლექცია „აბიტურიენტთა სტრესის მართვა”.
შეხვედრაზე, რომელსაც ქ. თბილისის საჯარო და კერძო სკოლების მოსწავლეები ესწრებოდნენ, ნანა გოგიჩაშვილმა ისაუბრა გამოცდებითა და წინასაგამოცდო მზადებით გამოწვეული სტრესის მართვაზე.
საჯარო ლექციის ფარგლებში სკოლის მოსწავლეები გაეცნენ ისეთ საკითხებს, როგორებიცაა:
- რა არის სტრესი, სტრესის სახეები და მისი მართვა;
- წინასაგამოცდო სტრესი და „მე“;
- უნდა მეშინოდეს თუ არა გამოცდების?
- როგორ, რისი და ვისი მეშინია?
- მე და ჩემი შიშები!
ღონისძიება მსმენელთა აქტიური ჩართულობით ინტერაქტიულ რეჟიმში წარიმართა. მონაწილეებმა დასვეს კითხვები და მიიღეს პასუხები მათთვის საინტერესო საკითხებზე.
დასკვნით ეტაპზე ნანა გოგიჩაშვილმა სკოლის მოსწავლეებს სერტიფიკატები გადასცა.