აღმოსავლეთ ევროპის უნივერსიტეტმა (EEU) შოთა რუსთაველის საქართველოს ეროვნული სამეცნიერო ფონდის 2024 წლის ფუნდამენტური კვლევებისათვის სახელმწიფო სამეცნიერო საგრანტო კონკურსზე უმაღლესი ქულებით გაიმარჯვა. ფონდში წარდგენილი 528 პროექტიდან დასაფინანსებელ 111 პროექტს შორის შეირჩა.
პროექტის სახელწოდება: სტუდენტური კეთილდღეობის გავლენა აკადემიურ მოსწრებაზე: ემპირიული კვლევა საქართველოს უმაღლესი
განათლების ინსტიტუციების მაგალითზე (სტრუქტურული განტოლების მოდელის გამოყენებით)
პროექტის ხელმძღვანელი: პროფესორი დავით სიხარულიძე – EEU-ს სამეცნიერო კვლევებისა და განვითარების დეპარტამენტის ხელმძღვანელი
აღმოსავლეთ ევროპის უნივერსიტეტი ულოცავს პროფესორ დავით სიხარულიძესა და პროექტში ჩართულ პერსონალს შოთა რუსთაველის საქართველოს ეროვნული სამეცნიერო ფონდის ფუნდამენტური კვლევებისთვის სახელმწიფო სამეცნიერო გრანტების კონკურსში გამარჯვებას და წარმატებებს უსურვებს პროექტის განხორციელებაში!