საქართველოში პირველი HR სამაგისტრო პროგრამის გამოსაშვები საღამო აღმოსავლეთ ევროპის უნივერსიტეტში ჩატარდა.
HR სამაგისტრო პროგრამის კურსდამთავრებულები EEU-ს მაგისტრები არიან.
პროგრამის იდეის ავტორი, ასოცირებული პროფესორი ნინო ბერუაშვილი, ხოლო HR სამაგისტრო პროგრამის ხელმძღვანელი პროფესორი ლილი ბიბილაშვილი გახლავთ. ღონისძიება აღმოსავლეთ ევროპის უნივერსიტეტის რექტორმა, დავით ჩერქეზიშვილმა გახსნა.
რექტორმა პროგრამის ინოვაციურ მხარეებსა და მის მნიშვნელობაზე ისაუბრა, აღნიშნა პროგრამის შემქმნელების როლი, ლილი ბიბილაშვილს მადლობის სიგელი გადასცა და კურსდამთავრებულებს HR სამაგისტრო პროგრამის წარმატებით დასრულება მიულოცა.
ღონისძიებას განათლების სამინისტროს წარმომადგენელი ბატონი ნუგზარ ჩიტაია, ცნობილი პიანისტი და მუსიკათმცოდნე ნინო ჟვანია, სხვადასხვა წამყვანი ორგანიზაციის წარმომადგენლები ეიჩარის სფეროს სპეციალისტები, HR სამაგისტრო პროგრამის პედაგოგები, EEU-ს აკადემიური პერსონალი და კურსდამთავრებულები ესწრებოდნენ.
ლილი ბიბილაშვილმა პროგრამის განხორციელებაში მონაწილე პედაგოგებსა და კოლეგებს მადლობის სიგელები გადასცა, HR სამაგისტრო პროგრამის მაგისტრებს კი სიმბოლური საჩუქრები და სერტიფიკატები გადაეცათ.
მოწვეულმა სტუმრებმა და პედაგოგებმა სიტყვით მიმართეს კურსდამთავრებულებს და მომავალი წარმატება უსურვეს.
