]
საერთაშორისო პროექტების მართვის ინსტიტუტი ევროპის აკადემიურ ცენტრთან თანამშრომლობითა და აღმოსავლეთ ევროპის უნივერსიტეტის მხარდაჭერით ახორციელებს ახალგაზრდულ პროექტს: „სისხლის სამართლის იმიტირებული პროცესი“.
პროექტის მიზანია სამიზნე ჯგუფის წევრებს პრაქტიკული გამოცდილება შესძინოს სამართლის სფეროში და უშუალოდ დაანახოს სასამართლო პროცესის სტრუქტურა.
ღონისძიებაში მონაწილეობას იღებენ სკოლის მოსწავლეები.
სისხლის სამართლის იმიტირებული პროცესის ფარგლებში მონაწილეები გადანაწილდებიან ბრალდებისა და დაცვის მხარეში, სადაც მოირგებენ ადვოკატების, პროკურორების როლებს და დაამუშავებენ საქმეს.
ტრენინგები და მოსამზადებელი გუნდური აქტივობები განხორციელდება 31 მარტსა და 1-ელ აპრილს აღმოსავლეთ ევროპის უნივერსიტეტის ახალ კამპუსში. პროექტის დასკვნითი ეტაპი კი გაიმართება 2 აპრილს საქალაქო/უზენაეს სასამართლოში.