2022 წლის 22 მაისს აღმოსავლეთ ევროპის უნივერსიტეტში (EEU) სკოლის მოსწავლეებისთვის გაიმართა მორიგი საინტერესო და ინტერაქციული აქტივობა: ,,იმიტირებული სასამართლო პროცესი’’
იმიტირებულ სასამართლო პროცესში მონაწილეობა ქ. თბილისის მასშტაბით სხვადასხვა კერძო და საჯარო სკოლების 100-ზე მეტმა მე-10, მე-11 და მე-12 სკოლის მოსწავლემ მიიღო.
ღონისძიება შედგებოდა ორი ეტაპისგან:
I ეტაპი: მოსამართლემ, EEU-ს ასოცირებული პროფესორმა ლევან დარბაიძემ სკოლის მოსწავლეები მოამზადა იმიტირებული სასამართლო პროცესისთვის და გააცნო:
- სასამართლო უნარ-ჩვევების ძირითად პრინციპები
- შესავალი და დასკვნითი სიტყვის წარმოთქმის ტექნიკები;
- პირდაპირი და ჯვარედინი დაკითხვის სტრატეგიები;
II ეტაპი კი უშუალოდ იმიტირებული სასამართლო პროცესის ინსცენირება იყო.
სასამართლო პროცესი EEU-ს იმიტირებული სასამართლო პროცესის დარბაზში გაიმართა.
ღონისძიების დასკვნით ეტაპზე სკოლის მოსწავლეებმა მიიღეს დეტალური ინფორმაცია აღმოსავლეთ ევროპის უნივერსიტეტის საერთაშორისო თანამშრომლობისა და გაცვლითი პროგრამების, საუნივერსიტეტო სტიპენდიებისა და სწავლის დაფინანსების მრავალფეროვანი პირობების, სტუდენტური მხარდამჭერი სერვისებისა და უპირატესობების თაობაზე. ასევე, დაათვალიერეს აღმოსავლეთ ევროპის უნივერსიტეტის თანამედროვე ინფრასტრუქტურით აღჭურვილი ახალი კამპუსი.
EEU-ში გრძელდება მე-10, მე-11 და მე-12 კლასების სკოლის მოსწავლეებისთვის საინტერესო, ინტელექტუალურ-შემეცნებითი და გასართობი აქტივობების ციკლი, რომელიც აღმოსავლეთ ევროპის უნივერსიტეტის მიერ KINGS-თან პარტნიორობით ხორციელდება.
