2023 წლის 18 დეკემბერს აღმოსავლეთ ევროპის უნივერსიტეტში გაიმართა საინფორმაციო შეხვედრა: „EEU-ს სტუდენტთა ინიციატივების წახალისება და კვლევითი აქტივობები“.
ღონისძიების მიზანი იყო სტუდენტთა ინფორმირება მათი ინიციატივების მხარდამჭერი სერვისების შესახებ და კვლევით აქტივობებში ჩართულობის გაზრდა.
შეხვედრას უძღვებოდნენ EEU-ს განათლების დეპარატმენტის უფროსი ქეთევან აფთარაშვილი და სამეცნიერო კვლევებისა და განვითარების დეპარტამენტის უფროსი დავით სიხარულიძე.
აღმოსავლეთ ევროპის უნივერსიტეტის სტუდენტები გაეცნენ:
- სტუდენტთა შიდა საუნივერსიტეტო დაფინანსებასა და ინიციატივების მხარდამჭერ მექანიზმებს;
- საუნივერსიტეტო სტიპენდიისა და კვლევითი გრანტის მოპოვების პროცედურებს;
- კვლევითი და კულტურულ-სპორტული საპროექტო განაცხადების წერის პრინციპებს.
შეხვედრის ბოლოს გაიმართა შემაჯამებელი დისკუსია და მსმენელებისთვის საინტერესო კითხვებს სპიკერებმა დეტალურად უპასუხეს.