აღმოსავლეთ ევროპის უნივერსიტეტში ‘’EEU ინტელექტ ტურნირი 2017’’ ჩატარდა, რომლის გამარჯვებული EEU-ს გუნდი “კალიმანტანი” გახდა!
საგანმანათლებლო ტურნირის მიზანი განათლების პროპაგანდა, ახალგაზრდების მოტივირება და მათი უნარ-ჩვევების განვითარებაა.
ინტელექტ ტურნირი EEU-ს მიერ მეორედ ჩატარდა.
ტურნირში აღმოსავლეთ ევროპის უნივერსიტეტის სტუდენტების გარდა, აბიტურიენტები და სხვადასხვა უნივერსიტეტის სტუდენტებიც მონაწილეობდნენ.
აღმოსავლეთ ევროპის უნივერსიტეტის რექტორმა, დავით ჩერქეზიშვილმა, მოწვეულმა სტუმრებმა, მეცნიერ-ეკონომისტმა, ცნობილი ინტელექტუალური თამაშის ‘’რა? სად? როდის?’’ ერთ-ერთმა საუკეთესო მონაწილემ გიორგი ბაქრაძემ და ეროვნული ბიბლიოთეკის დირექტორმა, ‘’გურული დღიურების’’ ავტორმა და EEU-ს მოწვეულმა ლექტორმა გიორგი კეკელიძემ, სიტყვით მიმართეს მონაწილე გუნდებს, გაამხნევეს და წარმატება უსურვეს.
გამარჯვებულ გუნდს მთავარი ჯილდო სიმბოლური გრავირებული ფიგურა, სერტიფიკატები, სხვადასხვა ვაუჩერი და სახელობითი საჩუქრები გადაეცა.
II და III ადგილის მფლობელი გუნდის წევრებიც ვაუჩერებითა დ სიმბოლური საჩუქრებით დაჯილდოვდნენ. სპეციალური სახელობითი საჩუქრები გადაეცათ სხვადასხვა სკოლის მოსწავლეებსა და აბიტურიენტებს. ტურნირის ყველა მონაწილეს აღმოსავლეთ ევროპის უნივერსიტეტის სახელით სერტიფიკატები გადაეცა.
‘’EEU ინტელექტ ტურნირი 2017’’ ორ ეტაპად ჩატარდა. პირველი და მეორე ტური ჯამში 40 კითხვისგან შედგებოდა. ტურნირში 15-მდე გუნდი და 50-ზე მეტი ახალგაზრდა მონაწილეობდა, თითოეული გუნდი კი 5 წევრისგან იყო დაკომპლექტებული.
ტურნირის შედეგები შემდეგნაირად გადანაწილდა:
I ადგილი – აღმოსავლეთ ევროპის უნივერსიტეტის გუნდი ‘’კალიმანტანი’’ – 31 ქულა;
II ადგილი – საქართველოს უნივერსიტეტის გუნდი ‘’ინვიქტუსი’’ – 30 ქულა;
III ადგილი – კავკასიის ბიზნეს სკოლის უნივერსიტეტის გუნდი ‘’სიესბი’’ – 27 ქულა.
IV და V ადგილები გურამ თავართქილაძის სასწავლო უნივერსიტეტსა და აღმოსავლეთ ევროპის უნივერსიტეტის გუნდებს ერგოთ.
I ადგილის მფლობელი გუნდის წევრები, EEU-ს სტუდენტებთან ერთად, ივანე ჯავახიშვილის სახელობის თბილისის სახელმწიფო უნივერსიტეტისა და სულხან-საბა ორბელიანის სასწავლო უნივერსიტეტის სტუდენტები გახლდნენ.
აღმოსავლეთ ევროპის უნივერსიტეტი მადლობას უხდის ‘’EEU ინტელექტ ტურნირი 2017’’-ის პარტნიორ კომპანიებს ჩართულობისთვის.
საირმე • SAIRME
წიგნების სადისტრიბუციო კომპანია ირიათონი/Distribution Company Iriatoni
Kamerton Karaoke Club
MCC
სატრენაჟორო დარბაზი “HARD WAY”
La Belle Medical
Uptown’
Kopala
აღმოსავლეთ ევროპის უნივერსიტეტში ინტელექტ ტურნირი ყოველწლიურად ჩატარდება.
