14 დეკემბერს, 15:00 საათზე, EEU-ს საკონფერენციო დარბაზში, პაშა ბანკსა და რე|ბანკთან თანამშრომლობით აღმოსავლეთ ევროპის უნივერსიტეტის სტუდენტებისთვის ჩატარდება კარიერული ცნობიერების კურსი.
კურსის მიზანია, ნათელი წარმოდგენა შეუქმნას სამიზნე ჯგუფს კარიერული ცნობიერების შესახებ, რომელიც გულისხმობს პიროვნების პროფესიულ ინფორმირებულობას.
კარიერული ცნობიერება პიროვნებას ეხმარება, მზად იყოს კარიერასთან დაკავშირებულ გამოწვევებთან გასამკლავებლად, ფლობდეს კარიერის დაგეგმვისთვის ყველა საჭირო ინფორმაციას, შეძლოს საკუთარი კარიერული ცხოვრების მართვა და მიაღწიოს დასახულ მიზნებს.
თემატიკა და სადისკუსიო საკითხები:
- რატომ არის მნიშვნელოვანი კარიერის დაგეგმვა?
- როგორ შევადგინო ჩემთვის იდეალური რეზიუმე?
- როგორ მოვემზადო დამსაქმებელთან ინტერვიუსათვის?
სპიკერები:
თამთა ფეტელავა – პაშა ბანკისა და რე|ბანკის ტალანტების მოზიდვისა და განვითარების განყოფილების უფროსი;
ელენე ჭაბუკიანი – პაშა ბანკისა და რე|ბანკის ტალანტების მოზიდვის სპეციალისტი.
კურსის სამიზნე ჯგუფი: აღმოსავლეთ ევროპის უნივერსიტეტის სტუდენტები და კურსდამთავრებულები
სამუშაო ენა: ქართული
კურსის განხორციელების განრიგი: 14.12.2022, 15:00 საათზე;
ფორმატი და ადგილი: პირისპირ, აღმოსავლეთ ევროპის უნივერსიტეტი, საკონფერენციო დარბაზი – 401
შეხვედრის ბოლოს სამიზნე ჯგუფის წევრებს საშუალება ექნებათ, დასვან კითხვები, გაეცნონ პაშა ბანკსა და რე|ბანკში დასაქმების, განვითარების შესაძლებლობებს.