სეზონური სკოლის პროექტში ,,კიბერუსაფრთხოება და ხელოვნური ინტელექტი“ მონაწილეების შერჩევა დაიწყო.
პროექტი ხორციელდება შოთა რუსთაველის საქართველოს ეროვნული სამეცნიერო ფონდის, აღმოსავლეთ ევროპის უნივერსიტეტისა და აღმოსავლეთ-დასავლეთ სასწავლო უნივერსიტეტის ფინანსური მხარდაჭერით კავკასიის უნივერსიტეტის ბაზაზე.
სკოლის ფარგლებში მსმენელები შეისწავლიან კიბერუსაფრთხოებას, ხელოვნურ ინტელექტსა და მის გამოყენებას კიბერუსაფრთხოებაში.
სეზონური სკოლის ლექტორები იქნებიან როგორც ლოკალური, ასევე საერთაშორისო სპეციალისტები – პროფესორები ესპანეთიდან, საფრანგეთიდან, ლიეტუვადან, ამერიკის შეერთებული შტატებიდან, რუმინეთიდან, უკრაინიდან.
პროექტში მონაწილეობა არის სრულად დაფინანსებული.