მიმდინარე წლის 11 მაისს, აღმოსავლეთ ევროპის უნივერსიტეტში (EEU) გაიმართა ,,კინგსი საქართველო • Kings Georgia”-ს მათემატიკის ოლიმპიადის პირველი ტური, რომლის დასრულების შემდეგ, მოსწავლეები ჩაერთნენ EEU-ს მიერ ორგანიზებულ ინტერაქციულ აქტივობებში – პროფორიენტაციის დღე, საკვირაო სკოლა.
EEU-ს განათლების მეცნიერებების ფაკულტეტის დეკანი ქეთევან აფთარაშვილი და იურიდიულ და სოციალურ მეცნიერებათა ფაკულტეტის დეკანის მოადგილე, ზუხრა მაცაბერიძე პირადად შეხვდნენ სკოლის მოსწავლეებს და გააცნეს:
- სხვადასხვა პროფესიები და შრომის ბაზრის მოთხოვნები;
- პროფესიის შერჩევის სირთულეები და რჩევები მის არჩევასთან დაკავშირებით;
- საუნივერსიტეტო სტუდენტური მხარდამჭერი სერვისები.
დასასრულს, სკოლის მოსწავლეებისთვის გაიმართა სახალისო, ინტერაქტიული ქვიზი. გამარჯვებულებს აღმოსავლეთ ევროპის უნივერსიტეტისგან გადაეცათ სასწავლო ვაუჩერები.
აღმოსავლეთ ევროპის უნივერსიტეტი 25 მაისს უმასპინძლებს მათემატიკის ოლიმპიადის ფინალურ ტურს.
