,,მეცნიერებისა და ინოვაციების ფესტივალი 2019-ის” ფარგლებში აღმოსავლეთ ევროპის უნივერსიტეტში ტარდება სამეცნიერო კონფერენცია „საქართველოში ინოვაციური პოტენციალის ამაღლების შესაძლებლობები“
სამეცნიერო კონფერენციის ძირითადი თემები დაეთმობა ეკონომიკის აქტუალურ საკითხებს, ინოვაციური იდეების განვითარებასა და მათი ეფექტიანობის ამაღლების შესაძლებლობებს.
კონფერენციას ასევე დაესწრებიან ქართული უნივერსიტეტების აკადემიური პერსონალი.
წარმოდგენილი ნაშრომები მიეძღვნება ინოვაციური მიდგომების მნიშვნელობას ქვეყნის ეკონომიკის ზრდა-განვითარებისათვის.
კონფერენციის მთავარი მიზანი იქნება დაანახოს დამსწრეებს რომ ინოვაცია კომპლექსური ძალისხმევის შედეგად მიიღწევა, რომელიც მოითხოვს პრაქტიკისა და პროცესის სტრუქტურირებას, ორგანიზებასა და წახალისებას. განხილული იქნება წარმოების ახალი მეთოდების და ახალი სავაჭრო ურთიერთობების შესაძლებლობები, რათა არსებითად ხელი შეეწყოს საერთო ქვეყნის ეკონომიკურ საქმიანობას.
კონფერენციის თარიღი: 28 სექტემბერი, 2019
დაინტერესების შემთხვევაში, კონფერენციაში მონაწილეობის მიღების მიზნით, გთხოვთ, გამოგზავნოთ თქვენი ნაშრომის მოკლე ანოტაცია არაუგვიანეს 16 სექტემბრისა შემდეგ ელექტრონულ მისამართზე: i.tusiashvili@eeu.edu.ge