გამოიყენეთ შესაძლებლობა და გახდით წარმომადგენელი უნივერსიტეტის წარმომადგენლობით საბჭოში!
წარმომადგენლობითი საბჭოს შესახებ:
აღმოსავლეთ ევროპის უნივერსტიტეტის წარმომადგენლობითი საბჭო არის უნივერსიტეტის უმაღლესი წარმომადგენლობითი ორგანო, რომლის მიზანია ხელი შეუწყოს უნივერსიტეტის ეფექტურ მართვასა და განვითარებას, უნივერსიტეტის სტრატეგიული საკითხების კოლეგიური გადაწყვეტის გზით უზრუნველყოს უნივერსიტეტის მართვისა და საქმიანობის ღიაობა, გამჭვირვალობა და მასში საუნივერსიტეტო საზოგადოების ჩართულობა.
წარმომადგენლობითი საბჭოს შემადგენლობაში არჩეული წევრების სტატუსით შედიან აფილირებული პროფესორი, ასოცირებული პროფესორი, ასისტენტ-პროფესორი და ასისტენტი და სტუდენტები. საბჭოს არჩეული წევრი აკადემიური პერსონალისა და სტუდენტთა რაოდენობა განისაზღვრება 4-4 წევრით, უნივერსიტეტის თითოეული ფაკულტეტიდან თითო-თითო წევრი, ხოლო უნივერისტეტის რექტორის მიერ შეირჩევა 3 წევრი.
წარმომადგენლობითი საბჭოს წევრობის უფლების მქონე სუბიექტები:
- საბჭოს შემადგენლობაში უნივერისტეტის რექტორის გადაწყვეტილებით შესაძლებელია შევიდეს ნებისმიერი პირი, რომელსაც აქვს აღმოსავლეთ ევროპის უნივერსიტეტში მუშაობის არანაკლებ 3 (სამი) წლიანი გამოცდილება და აკმაყოფილებს რექტორის მიერ შერჩეული საბჭოს წევრობის კანდიდატისათვის დადგენილ შერჩევის კრიტერიუმებს.
წარმომადგენლობითი საბჭოს წევრობის კანდიდატების მიმართ დგინდება შემდეგი საკონკურსო კრიტერიუმები:
ა) კვლევითი საქმიანობის არანაკლებ 3 წლიანი გამოცდილება;
ბ) უმაღლესი განათლების დაწესებულებაში ან განათლების სფეროში მუშაობის არანაკლებ 3 (სამი) წლიანი გამოცდილება;
გ) კანდიდატის ხედვა უნივერსიტეტის შემდგომ განვითარებასთან დაკავშირებით;
წარმომადგენლობითი საბჭოს წევრების არჩევა:
უნივერისტეტის რექტორი გაეცნობა კანდიდატების მიერ წარმოდგენილ ხედვას უნივერსიტეტის შემდგომ განვითარებასთან დაკავშირებით.
განცხადების წარმოდგენის ვადები და წესი:
წარმომადგენლობითი საბჭოს წევრობის მსურველმა პერსონალმა 2024 წლის 08 თებერვლიდან 29 თებერვლის ჩათვლით დასაბუთებული განცხადება უნდა გაგზავნონ ელექტრონული ფოსტის მისამართზე: info@eeu.edu.ge ან წარადგინონ საქმისწარმოების დეპარატამენტში.
კონკურსში მონაწილეთა განცხადების ფორმა: https://eeu.edu.ge/wp-content/uploads/2024/04/gancxadebis-forma.doc
საკონტაქტო ინფორმაცია: 032 2 48 01 41