აღმოსავლეთ ევროპის უნივერსიტეტში (EEU) პროფესორ შალვა კვინიხიძის წიგნის ,,საერთაშორისო საპოლიციო თანამშრომლობის სამართალი ბრძოლა ტრანსნაციონალურ ორგანიზებულ დანაშაულთან“ პრეზენტაცია გაიმართა
ღონისძიება აღმოსავლეთ ევროპის უნივერსიტეტის რექტორმა კახაბერ ლაზარაშვილმა გახსნა; დამსწრე საზოგადოებას წიგნის გამოცემა EEU აკადემიური კოლეგიის თავმჯდომარემ დავით ჩერქეზიშვილმა, სამეცნიერო საკითხებში ვიცე-რექტორმა პროფ. შალვა მაჭავარიანმა და საგანმანათლებლო პროგრამების განვითარების საკითხებში ვიცე-რექტორმა პროფ. ზვიად როგავამ მიულოცეს და აღნიშნეს სახელმძღვანელოს მნიშვნელობა საერთაშორისო სამართლის მიმართულებით კვლევითი პოტენციალის ამაღლებისა და საგანმანათლებლო საქმიანობის ხელშეწყობაში;
სახელმძღვანელოს შესახებ ისაუბრეს მეცნიერ-რედაქტორმა, თსუ-ს ასოცირებული პროფესორმა მორის შალიკაშვილმა, რეცენზენტებმა – პროფ. ქეთევან ხუციშვილმა და გიორგი მანჯავიძემ და ხაზი გაუსვეს სახელმძღვანელოში განხილული საკითხების სიახლესა და პრაქტიკულ ღირებულებას; პრეზენტაციაზე დამსწრე ექსპერტების მხრიდან ასევე აღინიშნა სახელმძღვანელოში გაჯერებული პრაქტიკული გამოცდილების შესახებ.
პრეზენტაციას დარგის ექსპერტები, სტუდენტები, მოწვეული სტუმრები და აკადემიური სფეროს წარმომადგენლები ესწრებოდნენ.
