24-26 ივნისს, აღმოსავლეთ ევროპის უნივერსიტეტს (EEU) ოფიციალური ვიზიტით მედიცინის საერთაშორისო უმაღლესი სკოლის (IHSM) დელეგაცია ეწვია.
ვიზიტის ფარგლებში ურთიერთთანამშრომლობის მემორანდუმი გაფორმდა, რომელსაც ხელი აღმოსავლეთ ევროპის უნივერსიტეტის რექტორმა, პროფესორმა კახაბერ ლაზარაშვილმა და მედიცინის საერთაშორისო უმაღლესი სკოლის ვიცე რექტორმა საერთაშორისო ურთიერთობების მიმართულებით, დოქტორმა აინაზიკ მორზაკოვამ მოაწერეს.
ურთიერთთანამშრომლობის მემორანდუმი ითვალისწინებს თანამშრომლობის გაღრმავებას შემდეგი მიმართულებით:
- ერთობლივი პროექტები სამეცნიერო და აკადემიური პერსონალის პროფესიული განვითარებისთვის;
- აკადემიური მობილობა და გაცვლითი პროგრამები;
- ერთობლივი საგანმანათლებლო პროგრამებისა და კვლევითი პროექტების შემუშავება.
მედიცინის საერთაშორისო უმაღლესი სკოლა, რომელიც 2003 წელს დაარსდა, წარმოადგენს თანამედროვე და ინოვაციურ საგანმანათლებლო დაწესებულებას. უნივერსიტეტი აღიარებულია სხვადასხვა საერთაშორისო სამედიცინო საგანმანათლებლო ორგანიზაციების მიერ.
დამატებითი ინფორმაციისთვის ეწვიეთ ბმულს: https://ism.edu.kg/