ლატვიის განათლების განვითარების სახელმწიფო სააგენტო 2020-2021 სასწავლო წლისთვის აცხადებს სტიპენდიებს ქართველი სტუდენტების, მკვლევრებისა და აკადემიური პერსონალისთვის ლატვიის უმაღლეს საგანმანათლებლო დაწესებულებებში სწავლის, კვლევისა და საზაფხულო სკოლებში მონაწილეობის მიზნით.
მონაწილეობის მიღება შეუძლიათ საბაკალავრო და სამაგისტრო საგანმანათლებლო პროგრამების სტუდენტებს სწავლების მეორე წლიდან.
სტიპენდიები გაიცემა ერთი სასწავლო წლის განმავლობაში – 10 თვის ვადით.
კვლევითი სტიპენდია განკუთვნილია საქართველოს უმაღლესი საგანმანათლებლო დაწესებულებების აკადემიური და სამეცნიერო თანამშრომლებისთვის.
იხ. ბმული: http://viaa.gov.lv/eng/scholarships_gov/fellowship_for_research/
სტიპენდია საზაფხულო სკოლებში განკუთვნილია სტუდენტების, აკადემიური და სამეცნიერო თანამშრომლებისთვის.
მსურველებს შეუძლიათ აირჩიონ 6 საზაფხულო სკოლა, რომელიც ორგანიზებულია ლატვიის უმაღლესი საგანმანათლებლო დაწესებულების მიერ. საზაფხულო სკოლა მიეძღვნება შემდეგ თემებს: ეთნო ტურიზმი, ეკოტურიზმი, ხელოვნების ისტორია, ლატვიური ენა და კულტურა, რობოტიკა, 3D ანიმაცია, ხის არქიტექტურა.
იხ. ბმული: http://viaa.gov.lv/eng/scholarships_gov/scholarships_for_summer_school/
დამატებითი ინფორმაცია სააპლიკაციო პირობების, შესაბამისი კანდიდატების, პროცედურის, ფინანსური დებულებების და საზაფხულო სკოლების ჩამონათვალის შესახებ იხილეთ მოცემულ ბმულზე, ლატვიის განათლების განვითარების სააგენტოს ვებგვერდზე: http://viaa.gov.lv/eng/international_cooperation/scholarships_gov/latvian_scholarships/
