აღმოსავლეთ ევროპის უნივერსიტეტის (EEU) იურიდიულ და სოციალურ მეცნიერებათა ფაკულტეტზე, 24 თებერვალს, კურსდამთავრებულთა და სტუდენტთა ერთობლივი საუნივერსიტეტო კონფერენცია ჩატარდა.
კონფერენციის მიზანს წარმოადგენდა აღმოსავლეთ ევროპის უნივერსიტეტის იურიდიულ და სოციალურ მეცნიერებათა ფაკულტეტის საბაკალავრო და სამაგისტრო პროგრამების სტუდენტებისა და კურსდამთავრებულებისთვის შესაძლებლობის მიცემა, წარმოედგინათ საკუთარი აკადემიური ნაშრომები, ემსჯელათ თანამედროვე საზოგადოებრივ, სამართლებრივ და მმართველობით გამოწვევებზე და ჩართულიყვნენ ინტერდისციპლინურ აკადემიურ დისკუსიებში. კონფერენციამ ხელი შეუწყო კრიტიკული აზროვნების, კვლევითი და პრეზენტაციის უნარების განვითარებას.
ღონისძიება გახსნეს და მონაწილეებს მიესალმნენ აღმოსავლეთ ევროპის უნივერსიტეტის რექტორი, პროფესორი კახაბერ ლაზარაშვილი; იურიდიულ და სოციალურ მეცნიერებათა ფაკულტეტის დეკანი, პროფესორი ზუხრა მაცაბერიძე და ფსიქოლოგიის საბაკალავრო პროგრამის ხელმძღვანელი, ასოცირებული პროფესორი ზურაბ მხეიძე.
კონფერენციაში მონაწილეობდნენ EEU-ს სტუდენტები და კურსდამთავრებულები, რომლებმაც წარმოადგინეს მოხსენებები სხვადასხვა აქტუალურ საკითხზე.
კონფერენციის დღის წესრიგი იხილეთ ბმულზე
ღონისძიებას ესწრებოდნენ დარგის ექსპერტები, EEU-ს სტუდენტები და აკადემიური პერსონალი. კონფერენცია წარიმართა დისკუსიის ფორმატში, სადაც მონაწილეებმა მოახდინეს საკუთარი პოზიციების, იდეების, მიგნებების ურთიერთგაცვლა და პრაქტიკული გამოცდილების გაზიარება.
კონფერენციის დასასრულს, ყველა მომხსენებელს გადაეცა სერტიფიკატი.