16 იანვარს, ჯანდაცვის მეცნიერებათა ფაკულტეტის აკადემიური და მოწვეული პერსონალისთვის გაიმართა ტრენინგი: ,,პაციენტის მრავალფუნქციური ინტერაქციული სიმულატორის – Leonardo High Fidelity ოპერირების ტექნიკები და პრაქტიკაში გამოყენება’’.
ტრენინგის მიზანი შესაბამისი სასწავლო კურსების ფარგლებში მოზრდილი პაციენტის მრავალფუნქციური ინტერაქციული სიმულატორის – Leonardo HF სასწავლო პროცესში დანერგვა, სამიზნე ჯგუფისთვის მისი ტექნიკური, ფუნქციური შესაძლებლობების გაცნობა და მართვის ტექნიკების ათვისება იყო.
ტრენინგს უძღვებოდა ალმაზ შაიაპოვი – კომპანია MedVision-ის უფროსი ინჟინერი.
შეხვედრის ფარგლებში სამიზნე ჯგუფის წევრები გაეცნენ:
- მოზრდილი პაციენტის მრავალფუნქციური ინტერაქციული სიმულატორის Leonardo HF ფუნქციონალებს;
- მოზრდილი პაციენტის მრავალფუნქციური ინტერაქციული სიმულატორის Leonardo HF სასწავლო პროცესში ინტეგრაციის შესაძლებლობებს, კლინიკური ქეისების სიმულაციებს, გამოწვევებსა და სპეციფიკას.
ღონისძიება აკადემიური და მოწვეული პერსონალის აქტიური ჩართულობით ინტერაქტიულ რეჟიმში წარიმართა.