13 იანვარს, 13:00 საათზე აღმოსავლეთ ევროპის უნივერსიტეტს ეწვია ლიეტუვის რესპუბლიკის საგანგებო და სრულუფლებიანი ელჩი საქართველოში, ბატონი ანდრიუს კალინდრა, რომელმაც სტუდენტებისა და პერსონალისთვის გამართა საჯარო ლექცია თემაზე: ,,უსაფრთხოების შედეგები; წესებზე დაფუძნებული საერთაშორისო წესრიგი; საზოგადოებისა და ინსტიტუტების როლი’’.
შეხვედრის ფარგლებში ასევე განხილული იყო ლიეტუვის რესპუბლიკის გამოცდილება ევროინტეგრაციის გზაზე და საქართველო – ლიეტუვის ორმხრივი თანამშრომლობა.
ლექციის დასასრულს გაიმართა დისკუსია. დამსწრე საზოგადოებას შესაძლებლობა ჰქონდა ბატონი ელჩისათვის დაესვა მათთვის საინტერესო შეკითხვები.
აღმოსავლეთ ევროპის უნივერსიტეტი მადლობას უხდის ბატონ კალინდრას სტუმრობისათვის და უსურვებს წარმატებას პროფესიულ საქმიანობაში.
