გაცვლითი პროგრამა ლოძის უნივერსიტეტში (პოლონეთი)!

EEU-ს პარტნიორი ლოძის უნივერსიტეტი (პოლონეთი) აცხადებს რეგისტრაციას 2020-2021 სასწავლო წლის ზაფხულის სემესტრის გაცვლითი პროგრამაზე. აღმოსავლეთ ევროპის უნივერსიტეტის სტუდენტებს შესაძლებლობა ეძლევათ, ჩაერთონ ლოძის (პოლონეთი) უნივერსიტეტის გაცვლით პროგრამაში და ერთი სემესტრის განმავლობაში (08.03.2021-02.07.2021) მიიღონ ცოდნა და დაუვიწყარი გამოცდილება.

ახალი კორონავირუსის გავრცელების აღკვეთის მიზნით, სასწავლო პროცესისათვის დაწესებული შეზღუდვებიდან გამომდინარე, სწავლება ჩატარდება ონლაინ რეჟიმში და სტუდენტებს არ მოუწევთ გამგზავრება პოლონეთში.

ინფორმაცია ლოძის უნივერსიტეტის შესახებ:

▶ ლოძის უნივერსიტეტი არის პოლონეთის წამყვანი უნივერსიტეტი, რომელიც სტუდენტებს სთავაზობს 12 ფაკულტეტს და საინტერესო სასწავლო პროგრამებს. უნივერსიტეტის პრესტიჟულობაზე ის ფაქტიც მეტყველებს, რომ სწავლების სამივე საფეხურზე, უნივერსიტეტში სასწავლო პროცესში ჩართულია 32 000-ზე მეტი სტუდენტი. ლოძის უნივერსიტეტი ერთ-ერთია იმ 6 პოლონური უნივერსიტეტიდან, რომელიც მოხვდა QS უნივერსიტეტების მსოფლიო რეიტინგში.

დამატებითი ინფორმაცია ლოძის უნივერსიტეტის შესახებ შეგიძლიათ იხილოთ შემდეგ ლინკზე: https://iso.uni.lodz.pl/.

გაცვლით პროგრამაში მონაწილეობის პროცესი:

✔გაცვლითი პროგრამის შესარჩევ კონკურსში მონაწილეობა შეუძლია აღმოსავლეთ ევროპის უნივერსიტეტის საბაკალავრო და სამაგისტრო პროგრამის ნებისმიერ სტუდენტს, რომელიც ფლობს ინგლისურ ენას B2 დონეზე;

🔻აღმოსავლეთ ევროპის უნივერსიტეტისა და ლოძის უნივერსიტეტის თანამშრომლობის ფარგლებში, EEU-ს სტუდენტებს შესაძლებლობა ეძლევათ, ერთი სემესტრის განმავლობაში, ისწავლონ პოლონეთის წამყვან უნივერსიტეტში, გაცვლითი სემესტრის ფარგლებში, ონლაინ ფორმატში, საუნივერსიტეტო დაფინანსებით. გაცვლით სემესტრში სტუდენტმა უნდა აირჩიოს მინიმუმ 24 კრედიტის საგნები. შეთავაზებული არჩევითი საგნების ჩამონათვალი შეგიძლიათ იხილოთ შემდეგ მისამართზე: http://iso.uni.lodz.pl/erasmus/programmes/

🔻რეგისტრაციის პროცესი: გაცვლით პროგრამაში მონაწილეობის მსურველმა სტუდენტებმა, რეგისტრაციის მიზნით, უნდა გამოგზავნონ რეზიუმე (CV) და ინგლისური ენის ცოდნის დამადასტურებელი სერტიფიკატი (ასეთის არსებობის შემთხვევაში) ელექტრონული ფოსტის შემდეგ მისამართებზე:  international@eeu.edu.ge; n.dzamukashvili@eeu.edu.ge. რეგისტრაციის ბოლო ვადაა მიმდინარე წლის 2 დეკემბერი.

🔻გაცვლით პროგრამაში მონაწილეობის უფლება აქვთ EEU-ს სტუდენტებს, რომლებიც დარეგისტრირდებიან მიმდინარე წლის 2 დეკემბრამდე და წარმატებით ჩააბარებენ ინგლისური ენის ტესტს (B2 დონე). ტესტირება ინგლისურ ენაში ჩატარდება მიმდინარე წლის 3 დეკემბერს.

🔻დამატებითი ინფორმაციისთვის მიმართეთ უნივერსიტეტის საერთაშორისო ურთიერთობების დეპარტამენტს

საკონტაქტო ინფორმაცია: