2025 წლის 1-ელ სექტემბერს, აღმოსავლეთ ევროპის უნივერსიტეტში ჰიბრიდულ ფორმატში გაიმართა ღია კარის დღე სამაგისტრო საფეხურის პროგრამებით დაინტერესებული პირებისთვის.
ღონისძიების მიზანს წარმოადგენდა სამაგისტრო პროგრამებზე რეგისტრირებული კანდიდატებისთვის უნივერსიტეტის საგანმანათლებლო შესაძლებლობებისა და სტუდენტური სერვისების გაცნობა.
მონაწილეებმა მიიღეს ინფორმაცია:
- სტუდენტური სერვისებისა და უნივერსიტეტის მხარდაჭერის სისტემების შესახებ;
- სამაგისტრო პროგრამების სპეციფიკასა და უპირატესობებზე;
- მაგისტრატურაში მისაღები გამოცდის ფორმატისა და თემატიკის შესახებ.
ღია კარის დღის ფარგლებში გაიმართა პრეზენტაცია და კითხვა-პასუხის სესია. მონაწილეებს ჰქონდათ შესაძლებლობა პირადად გასაუბრებოდნენ პროგრამების ხელმძღვანელებს, ასევე დაესვათ შეკითხვები უნივერსიტეტის ადმინისტრაციული და აკადემიური პერსონალისთვის.
ღონისძიებამ ხელი შეუწყო სამაგისტრო პროგრამებზე ჩაბარების მსურველთა ინფორმირებულობას უნივერსიტეტის საგანმანათლებლო პროცესებში.