იწყება რეგისტრაცია ქართულ-გერმანულ საერთაშორისო სამაგისტრო სკოლაში მონაწილეობის მისაღებად!
მიმდინარე წლის 27 ოქტომბრიდან 1 ნოემბრის ჩათვლით, აღმოსავლეთ ევროპის უნივერსიტეტი გერმანიის ქალაქ აშაფენბურგის ტექნიკურ უნივერსიტეტთან ერთად აორგანიზებს ქართულ-გერმანული საერთაშორისო სამაგისტრო სკოლას: „ქართული მცირე და საშუალო საწარმოების განვითარების ხელშეწყობა.“
სამაგისტრო სკოლის ამოსავალ წერტილს წარმოადგენს Blue Ocean Strategy. აღნიშნულ მეთოდზე დაყრდნობით, სამაგისტრო სკოლის ფარგლებში მოხდება სტრატეგიული მენეჯმენტის სხვადასხვა მიდგომების შესწავლა.
მცირე და საშუალო საწარმოები (SME) წარმოადგენს ეკონომიკის ერთ-ერთ მთავარ მამოძრავებელ ძალას როგორც საქართველოში, ასევე გერმანიაში. აქედან გამომდინარე, საერთაშორისო სამაგისტრო სკოლა მიზნად ისახავს აღმოსავლეთ ევროპის უნივერსიტეტის ბიზნესის მიმართულების სტუდენტების კვალიფიკაციის ამაღლებას სტრატეგიული მენეჯმენტის სხვადასხვა მეთოდებში იმისათვის, რომ მათ შეძლონ შექმნან ქართული მცირე და საშუალო ბიზნესის ზრდის სტრატეგიები.
სამაგისტრო სკოლაში მონაწილე სტუდენტებს მენტორობას გაუწევენ გამოცდილი პროფესორები საქართველოდან და გერმანიიდან.