აღმოსავლეთ ევროპის უნივერსიტეტის (EEU) ჯანდაცვის მეცნიერებათა ფაკულტეტის ინიციატივითა და EEU-ს უწყვეტი განათლების ცენტრის (LLC) ორგანიზებით 10-11 მაისს გაიმართა ტრენინგების სერია: „სწავლებისა და შეფასების მეთოდები სამედიცინო განათლებაში“.
ტრენინგ-კურსების მიზანი ჯანდაცვის მეცნიერებათა ფაკულტეტის დიპლომირებული მედიკოსის (ინგლისურენოვანი) ერთსაფეხურიანი საგანმანათლებლო პროგრამის განმახორციელებელი პერსონალისთვის სამედიცინო განათლების სწავლებისა და შეფასების თანამედროვე მეთოდოლოგიის მიმართულებით კვალიფიკაციის ამაღლება იყო.
ტრენინგს უძღვებოდა ამერიკის შეერთებული შტატების Case Western Reserve University-ის სამედიცინო სკოლის სიმულაციებისა და e-ტექნოლოგიების დირექტორი დანიელ სალსედო. მას აქვს დიდი გამოცდილება და კვლევები სამედიცინო განათლებაში სიმულაციებზე დაფუძნებული სწავლების, საგანმანათლებლო ტექნოლოგიების განვითარებისა და ხელოვნური ინტელექტის გამოყენების მიმართულებით.
კურსის ფარგლებში მსმენელები გაეცნენ:
- MCQ, SBA და სხვა ტიპის კითხვების ფორმულირებას, OSCE/OSPE ქეისების და ჩეკლისტების მომზადებას, OSCE-ის რეგულაციის/წესდების შექმნას;
- კლინიკურ სწავლებას, კლინიკური სწავლების შეფასებას, PBL/CBL ქეისების ფორმულირებასა და შეფასებას.
- Flipped Classroom-ის დაგეგმავა და განხორციელება
ტრენინგ-კურსების სერია განხორციელდა აღმოსავლეთ ევროპის უნივერსიტეტის ახალ კამპუსში მსმენელთა აქტიური ინტერაქციით.
ღონისძიების ბოლოს მსმენელებს კურსში მონაწილეობისათვის გადაეცათ სერტიფიკატები.