2026 წლის 6 მარტს ჯანდაცვის მეცნიერებათა ფაკულტეტის დიპლომირებული მედიკოსის (ინგლისურენოვანი) ერთსაფეხურიანი პროგრამის 2025-2026 სასწავლო წლის შემოდგომის სემესტრის კურსდამთავრებულთა გამოსაშვები ღონისძიება გაიმართა.
ღონისძიებაზე სტუდენტებს აღმოსავლეთ ევროპის უნივერსიტეტის რექტორი დავით ჩერქეზიშვილი, ვიცე-რექტორი საერთაშორისო და სამეცნიერო საკითხებში კახაბერ ლაზარაშვილი და ჯანდაცვის მეცნიერებათა ფაკულტეტის დეკანი ელენე ზურაბიშვილი მესალმნენ, სტუდენტებს პროგრამის წარმატებით დასრულება მიულოცეს და პროფესიული განვითარების გზაზე შემდგომი წარმატებები უსურვეს.
ჰიპოკრატეს ფიცის საზეიმოდ მიღების შემდეგ ღონისძიება ქუდების აყრის და ტორტის გაჭრის საზეიმო ცერემონიით დასრულდა.
გამოსაშვებ ცერემონიას კურსდამთავრებულების ოჯახის წევრები, მეგობრები და უნივერსიტეტის ადმინისტრაციული და აკადემიური პერსონალი ესწრებოდა.
